Innanlands

14 skipið hjá Navigare í FAS

Hav Brim varð skrásett í føroysku skipaskrásetingina í dag

2022-05-09 17:05 Author image
Ingi Samuelsen
placeholder

Nýggjasta skipið hjá farmaskipafelagnum Navigare Shipping í Søldarfirði, Hav Brim, er í dag skrásett í føroysku altjóða skipaskrásetingini, FAS. Tað boðar Sjóvinnustýrið frá.

Hav Brim er 14 skipið hjá Navigare Shipping í FAS. Skipið er 2.998 bruttotons. Knappar 85 metrar langt, 14,4 metrar breitt og er bygt í Spania í 2008.

Navigare Shipping boðaði í mars mánaði frá, at felagið hevur keypt tvey skip av sama slag frá Arklow Shipping í Írlandi. Tey skuldu til Polands at gera nakrar umbyggingar, áðrenn tær komu í føroyska flotan.

Nú er Hav Brim so skrásett í Føroyum. Hitt skipið er ikki komið í føroysku skipaskrásetingina enn. Tað fær navnið Hav Sund. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder