Ango bíðar eftir landingartørni á Havnini

Uppsjóvarskipið Ango kom á Havnina í gjár, har teir bíða eftir at sleppa at landa til Havsbrún í Fuglafirði.

Ango hevur verið á svartkjaftaveiðu sunnan fyri Føroyar, og hava teir umleið 1300 tons av svartkjafti, sum skulu landast til Havsbrún, har svartkjafturin verður virkaður til fóður.

Tá ið Ango hevur landað, verður farið aftur á svartkjaftaveiðu sunnanfyri.