Ango loysti av Havnini í gjárkvøldið fyri seinastu ferð

Uppsjóvarskipið Ango úr Vági er selt av landinum í sambandi við at felagið hevur ognað sær størri skip úr Íslandi.

Ango, sum upprunaliga kallaðist Junior og kom úr Hirtshals, er nú aftur áveg undir dansk flagg og til gomlu eigararnar, har skipið skal fiska kvoturnar hjá reiðarínum, sum seldi Asbjørn til Íslands fyrr í hesum mánaðinum.

Felagið aftanfyri Ango, hevur longu útvegað sær annað skip, og er talan um gamla Hoffell, sum nú fær navnið Ango, og heimstað í Vági.

Nýggi Ango liggur á Havnini, og skipið fer til fiskiskap tá ið øll neyðug loyvi eru komin uppá pláss.

Hoffell hevur fingið navnið Ango, og heimstað í Vági (Mynd: Sverri Egholm)