Birita landar svartkjaft í Fuglafirði

Uppsjóvarskipið Birita kom í gjárkvøldið á Fuglafjørð, har skipið skal landa 1800 tons.

Birita hevur verið á svartkjafteveiðu sunnanfyri í føroyskum sjógvi. Fiskiskapurin hevur verið góður hendan túrin, og tá ið liðugt er at landa, verður farið aftur á svartkjaftaveiðu.

Veiðan verður landað til Havsbrún, har svartkjafturin verður framleiddur til mjøl og lýsi, og síðan til fóður.