Jan Müller
Regin Jacobsen, sum var nevndarformaður í FarCargo, er nú farin frá sum nevndarformaður og er vorðin stjóri í felagnum. Í hansara stað, sum nevndarformaður, er Rúni M. Hansen komin inn.
Hinir í gomlu nevndini vóru Hans Meinhard á Høgabóli, Heðin Krett og Andrew Djurhuus. Allir hesir eru farnir úr nevndini, men eru framvegis virknir í felagnum, saman við stjóranum síðstu árini Hanus Jacobsen, sum eisini heldur áfram. Nýggja nevndin er nú tann sama, sum er í øllum Bakkafrost samtakinum.
Sum sæst av nýggju skrásetingini, so er eitt skuldarumskifti farið fram. Felagið er nú eitt 100% dóttirfelag av Bakkafrost samtakinum, og hevur nú somu nevnd og forstjóra, sum øll feløgini í Bakkafrost samtakinum hava.
FarCargo var stovnað í 2021. Bakkafrost var størsti eigari frá byrjan, men eigur nú allan partapeningin í felagnum.
Vinarliga broyt tínar kennifíla - og privatlívsstillingar fyri at síggja hetta innihald