Christian í Grótinum landar fyrstu lastina í Fuglafirði

Nýggjasta uppsjóvarskipið í flotanum kom á Fuglafjørð tíðliga í morgun, har skipið skal landa svartkjaft.

Christian í Grótinum byrjaði túrin undir Føroyum, har skipið skuldi royna ymsa útgerð. Síðan fór Christian í Grótinum í altjóða sjógv vestanfyri Írland, men har var fiskiskapurin so smáligur, at teir komu aftur í føroyskan sjógv, har teir nú hava fiskað seinastu dagarnar.

Christian í Grótinum hevur ímillum 900-1000 tons av svartkjafti, sum verður landaður til Havsbrún, har svartkjafturin verður framleiddur til mjøl og lýsi, og síðan til fóður.