Kiran Jóanesarson
Talan verður um fyrsta nýbygningin til føroysku fiskivinnuna, sum føroyingar fáa í 12 ár.
Christian í Grótinum, sum er størsta skipið, sum higartil er bygt á Karstensens Skibsværft, skuldi eftir ætlan latast reiðarínum í Klaksvík síðst í hesum mánaðinum, men hetta er útsett.
Bogi Rasmussen, sum er ein av eigarunum, og verður annar skiparin umborð, sigur í stuttari viðmerking við Portalin, at hetta ikki er nakað óvanligt, og at skipið helst kemur í februar heldur enn í januar.
Felagið aftanfyri Christian í Grótinum keypti í 2020 íslendska uppsjóvarskipið Margreth, sum fekk navnið Christian. Skipið skal fiskað kvoturnar hjá Christian í Grótinum til nýggja skipið kemur.
Felagið hevur fyri stuttum selt Christian til Vestmanna Fiskavirkið, sum skal yvirtaka skipið tá ið nýggi Christian í Grótinum kemur í flotan.
Sí eisini: Myndir: Hildu tað vera eitt ferðamannaskip
Vinarliga broyt tínar kennifíla - og privatlívsstillingar fyri at síggja hetta innihald