Christian í Grótinum skal landa svartkjaft í Fuglafirði

Christian í Grótinum fór í nátt at sigla inn av svartkjaftafeltinum.

Teir hava fiskað svartkjaft sunnanfyri í føroyskum sjógvi, og fiskiskapurin hevur verið smáligur, tó bragdaði nú til endans.

Hetta hevur tó verið ein gyltur møguleiki at royna skipið, sigur Bogi Rasmussen, skipari og ein av eigarunum.

Christian í Grótinum skal byrja at landa nú seinnapartin, og tá ið liðugt er at landa, verður farið aftur á svartkjaftaveiðu.