placeholder
Innanlands

Christian í Grótinum til Skagen fyrrapartin í morgin

Skrokkurin verður sleipaður úr Póllandi og í løtuni eru teir á veg í Kattagat

Tá Formidable og skrokkurin hjá Christiani í Grótinum vóru í Oyrasundi fyrr í dag (Mynd: Poul Ericsson)

Tá Formidable og skrokkurin hjá Christiani í Grótinum vóru í Oyrasundi fyrr í dag (Mynd: Poul Ericsson)

2021-07-25 17:06 Author image
Kiran Jóanesarson
placeholder

Fyri løtu síðani fór skrokkurin til nýggja Christian í Grótinum framvið Helsingborg og Helsingør í Oyrasundi, og hevur kós í Kattegat og móti Skagen.

Tað er sleiparin Formidable, sum tekur sær av at fáa nýggja stoltleikan hjá føroyingum til Karstensens skipasmiðjuna í Skagen, og eftir ætlan verður Christian í Grótinum har einaferð fyrrapartin í morgin.

Skipið skal gerast liðugt í Skagen og verður liðugt í januar. Nýggi Christian í Grótinum er knappar 90 metrar langur og 17 til 18 metrar breiður, og skal lasta umleið 3500 tons.

Kostnaðurin liggur um 300 milliónir krónur.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder