Dokkin á Skála tekur skap

Arbeiðið við nýggju turrdokkini á Skála gongur sum ætlað, sigur Articon, sum ger arbeiðið.

Seinastu tíðina hevur verið arbeitt við eini fyribilsbyrging, sum skal tryggja, at arbeiðið kann fara fram á turrum.

Byrgingin er gjørd úr spunsi og fylt við 20.000 tonsum av sandi, sum felagið Sandship hevur ført á staðið.

Nýggja dokkin verður 150 metrar long, 33 metrar breið og 12 metrar djúp. Eftir ætlan verður dokkin liðug seinni í ár.