Fagraberg hevur landað í Norra

Uppsjóvarskipið Fagraberg hevur júst landað 920 tons av makreli í Egersund.

Fagraberg hevur verið á makrelveiðu í norskum sjógvi, og upplýst verður, at fiskiskapurin hevur verið hampiligur.

Talan er um góða stødd - 480 gramm í miðal, og Fagraberg er nú ávegis aftur á fiskifeltið at fiska makrel.

Verið hevur verið keðiligt seinastu dagarnar, men nú byrjar at batna.