Finnur Fríði farin á sildaveiðu

Uppsjóvarskipið Finnur Fríði er farið á sildaveiðu í íslendskum sjógvi.

Finnur Fríði hevur seinastu vikurnar ligið á Runavík og bíðað eftir at sildafiskiskapurin skuldi fara at taka seg upp, sum plagar at vera tá ið vit nærkast hálvum oktober.

Finnur Fríði er farin í íslendskan sjógv at royna, har eisini Fagraberg roynir. 

Enn eru bara Finnur Fríði og Fagraberg í íslendskum sjógvi. Borgarin og Christian í Grótinum eru á svartkjaftaveiðu í føroyskum sjógvi, meðan flest hini uppsjóvarskipini framvegis liggja við bryggju.