Fleiri makrellandingar í Fuglafirði

Køðin at landa makrel í Fuglafirði er lang í løtuni. Írska skipið Brendelen, Høgaberg og Fam skulu øll landa til Pelagos.

Fyrst at landa var írska uppsjóvarskipið Brendelen, sum hevur fiskað 450 tons í bretskum sjógvi.

Síðan var tað Høgaberg, sum skuldi landa 450 tons av makreli, sum er fiskaður í norskum sjógvi.

Eftir Høgaberg landaði Fram eina last á 50 tons, sum eisini er fiskaður í norskum sjógvi.

Øll trý skipini fara aftur á makrelveiðu tá ið liðugt er at landa.

Fram: Savnsmynd - Kiran Jóanesarson

Brendelen er frammra skipið: Savnsmynd - Kiran Jóanesarson