Gronin tikin av Teistanum

Ymiskar eru uppgávurnar á Mest-skipasmiðjuni. Í góðveðrinum í dag varð “visirið”, sum tað eitur á fakmáli, tikið av Teistanum.

Hetta er liður í 20 ára klassingini av Teistanum har legurnar verða skiftar og stemplini umvæld – umframt annað klassingararbeiði. Arbeiðið uppá Teistan gongur annars eftir ætlan, sigur Mest.

Ternan røkir í løtuni siglingina hjá Teistanum á Sandoyarleiðini.