Nýggi Vermland skrásettur í FAS

Nýggi Vermland, sum kemur fyri gamla skipið við sama navni, sum felagið Spf. Vermland í Streymnesi eigur, er nú skrásettur í føroysku altjóða skipaskrásetingini, FAS.

Skipið er bygt í 2016 og er 2.999 BT til støddar. Hetta er nakað størri enn gamla skipið, sum er 2.199 BT til støddar, skrivar Sjóvinnustýrið.

Skipið er komið til landið, og skal nú á beding hjá MEST at gera ymiskar betringar. Síðani yvirtekur skipið fóðursiglingina hjá gamla Vermland.