Soleiðis ætlar Bakkafrost at landstøðin í Hvalba skal síggja út

Á bygdaráðsfundi í Hvalbiar kommunu í kvøld var umsóknin frá Bakkafrost um at byggja landstøð í Nesi viðgjørd.

Í tí sambandi hevur Hvalbiar kommuna lagt myndir út av ætlanini hjá Bakkafrost. Nakað av ónøgd hevur verið um staðsetingina.

Kringvarpið skrivaði í dag, at fólk stúra fyri, at bjargingarfelagið, sum hevur neyst og útgerð við bátahylin, og ferðavinnufelagið Lítla Dímun verða rikin úr økinum, tá ein partur av bátahylinum verður fyltur upp við gróti.

Janus Thomsen, borgarstjóri í Hvalbiar kommunu, heldur tó ikki at skaðin er so stórur.

Nú eru modellmyndirnar almennar, og so kunnu fólk sjálvi meta um.