Gøtunes hevur fiskað lodnukvotuna

Uppsjóvarskipið Gøtunes hevur nú fiskað lodnukvotuna, og landar seinastu lastina í Fáskrúðsfirði, har teir vera á nátturða í kvøld.

Upplýst verður, at Gøtunes hevur 700 tons av lodnu, og fiskiskapurin hevur verið smáligur í seinastuni.

Gøtunes fer nú at rigga til at fiska svartkjaft í føroyskum sjógvi, men í løtuni er so at siga eingin svartkjaftur at fáa í føroyskum sjógvi.

Fagraberg og Christian í Grótinum leita sunnanfyri, men har er lítið og einki at fáa.