Gøtunes hevur landað á Tvøroyri

Uppsjóvarskipið Gøtunes kom á Tvøroyri fyrrapartin í gjár, har teir skuldiu landa.

Gøtunes hevur verið á makrelveiðu norðanfyri í føroyskum sjógvi, og fiskiskapurin hevur verið hampiligur.

Gøtunes fekk 620 tons av makreli, og talan var um góða stødd- 465 gramm í miðal.

Veiðan varð landað til Varðan Pelagic, og Gøtunes fór aftur á makrelveiðu í morgun.