Innanlands

Høgaberg landar í Fuglafirði

Høgaberg hevur 1700 tons av svartkjafti

Savnsmynd (Mynd: Kiran Jóanesarson)

Savnsmynd (Mynd: Kiran Jóanesarson)

2020-06-09 06:26 Author image
Kiran Jóanesarson
placeholder

Uppsjóvarskipið Høgaberg kom í gjár á Fuglafjørð, har teir skulu landa.

Teir hava fiskað svartkjaft í føroyskum sjógvi, og hava 1700 tons av svartkjafti, sum teir landa til Havsbrún í Fuglafirði.

Hjá Havsbrún verður svartkjafturin framleiddur til mjøl og lýsi, og seinni til fóður.

Um Høgaberg fer aftur á svartkjaftaveiðu tá ið liðugt er at landa vita vit ikki.

Okkurt av uppsjóvarskipunum er steðga við fiskiskapinum, men fleiri royna framvegis, hóast tað er heldur smáligur fiskiskapur í løtuni. 

placeholder
placeholder