Høgaberg skal landa til Pelagos

Uppsjóvarskipið Høgaberg hevur sett kós móti Fuglaforði, har skipið skal landa fyrrapartin í morgin.

Høgaberg hevur verið á sildaveiðu í íslendskum sjógvi, og fiskiskapurin hevur verið hampiligur. 

Veiðan skal landast til Pelagos í morgin, og Høgaberg byrjar at landa klokkan nýggju fyrrapartin. 

Tá ið Høgaberg hevur landað, verður farið aftur til fiskiskap.