Írskt uppsjóvarskip á beding hjá Mest

Írska uppsjóvarskipið Girl Stephanie hevur verið hjá Mest í Havn, har Mest hevur gjørt ymiskt við skipið.

Girl Stephanie hevur verið inni til ein skjótan steðg á vogninum í Havn, skrivar Mest á heimasíðuni síni.

Arbeiðið fevndi um at vaska og mála botnin, kanna aksil og róðrarskipan, pussa skrúvubløðini og thrustarar, skifta sinkanóður, finna brek í róðrarskipanini, og gera viðlíkahald á RAPP-útgerðini. 

Arbeiðið á Girl Stephanie er nú liðugt, og skipið bíðar eftir betri veðrið áðrenn tað fer aftur til fiskiskap.