Isafold og Astrid Marie landa makrel í Føroyum

Danska uppsjóvarskipið Isafold kom í dag á Fuglafjørð, har skipið skal landa makrel til Pelagos.

Talan er um 1500 tons av makreli, sum er fiskaður í hetlendskum sjógvi. Hjá Pelagos fer makrelurin til matna.

Á Varðanum Pelagic taka tey ímóti 850 tonsum av makreli frá svenska uppsjóvarskipinum Astrid Marie, sum kom á Tvøroyri í morgun. Eins og hjá Pelagos fer makrelurin til matna hjá Varðanum Pelagic.

Astrid Marie hevur eisini fiskað makrel í hetlendskum sjógvi. 

Astrid Marie (Savnsmynd: Kiran Jóanesarson)