Jupiter landar í Fuglafirði

Uppsjóvarskipið Jupiter er komið á Fuglafjørð, har skipið skal landa svartkjaft.

Jupiter hevur verið á svartkjaftaveiðu í føroyskum sjógvi, og fiskiskapurin hevur verið góður.

Jupiter hevur 1.400 tons við til lands, og 400 tons skulu landast upp í bilar og síðani koyrast til Høvdavirkið, meðan Havsbrún skal hava restandi 1.000 tonsini.

Hjá Havsbrún verður svartkjafturin framleiddur til mjøl og lýsi, og síðani til fóður.