Mæla til at minka dagatalið við fimm prosentum

Mánadagin lat Havstovan Tilfeingis- og Vinnumálaráðnum tilmæli um fiskiskap eftir toski, hýsu og upsa í 2026.

Mælt verður til, at fiskidagatalið hjá Bólki 2 (trolarar) minkar við 5 prosentum, tí veiðulutfallið hjá upsa er oman fyri hámarkið. Mælt verður eisini til, at fiskidagatalið hjá Bólki 3-5 (línufør, snella og trolbátar) minkar við 5 prosentum, tí gýtingarstovnurin hjá toski er minni enn lágmarkið. Tilmælið byggir á umsitingarætlanina fyri tosk, hýsu og upsa.

Toskastovnurin á landgrunninum er nú millum kritiska vandamarkið og lágmarkið. Hýsustovnurin er væl fyri, og upsastovnurin er eisini oman fyri fyrivarnismørkini.

Fyri Føroyabanka verður mælt til, at fiskidagatalið í 2026 verður 150 fiskidagar hjá einum blandingi av stórum og smáum fiskiførum við húki. Hetta er sama dagatal, sum var tilmælt fyri 2025.

Tilmælið sæst her.