Nú verður Dunga Jákup sleipaður heim

Skrokkurin til frystitrolaran Dunga Jákup M/tr, sum er bygdur á Stozcnia Wisla skipasmiðjuni í Gdansk í Póllandi, varð sjósettur og yvirtikin í dag. Hesum boðar skipasmiðjan MEST frá.

Í sambandi við sjósetingina, varð minni hátíðarhald við luttøku av umboðum frá Varðanum og MEST í Gdansk. Myndirnar eru frá hátíðarhaldunum í Gdansk.

Tá skrokkurin er komin heim, verður hann liðugtgjørdur á MEST á Skála. Væntandi tekur sleipið umleið 10 dagar í mun til veðrið.

Skipið verður væntandi latið Varðanum í summar.