Núpur fiskaði fyri omanfyri 26 milliónir krónur

Ísfiskalínuskipið Núpur hevði eitt gott ár í fjør. 

Tað vísir eitt yvirlit hjá Vørn.  

So at siga allur línuflotin í bólki 3 er skiftur út við frystilínuskip seinastu árini. Tó er eitt ísfiskalínuskip eftir í flotanum, Núpur hjá JFK samtakinum. 

Núpur hevur avreitt fyri 26.431.085 krónur í 2025, sum er eitt sera gott ár hjá skipinum, sum avreiddi fyri 9.165.049 krónur í 2024 sambært yvirlitinum hjá Vørn. 

Núpur hevur bara fiskað undir Føroyum í 2025 og meginparturin av tí, sum Núpur fiskaði var toskur.