Polar Princess landað í Kollafirði

Polar Princess hevur landað 900 tons av frystum makreli í Kollafirði.

Grønlendski trolarin hevur verið á makrelveiðu í altjóða sjógvi norðan fyri Føroyar, og fiskiskapurin hevur verið góður. 

Tá ið liðugt var at landa fór skipið aftur á makrelveiðu í altjóða sjógvi.

Grønlendski trolarin Tasiilaq landar í dag 800 tons av frystum makreli og slógvi umframt eitt sløð av feskum makreli eisini. 

Hetta verður landað til Pelagos, Bergfrost og Havsbrún.