Reiðarí letur eina millión í stuðli til lokalt virksemi

Ein millión krónur er tað, sum reiðaríið P/f Kinnfelli í Miðvági hevur gjørt av at lata í stuðli til almannagagnligt virksemi í Vágum í ár.

Jn.fo skrivar, at við hesum heldur reiðaríið sum eigur og rekur uppsjóvarskipið Katrin Jóhonnu, lyfti sum varð givið í sambandi við menningarkvotuna, ið er grundarlagið undir rakstrinum av skipinum.

Tilsamans verða 30 sum fáa stuðul, og hetta umfatar ítróttarfeløg, mentanarlig feløg, kirkjur og samkomur.