Innanlands

Selja bjargingarbát fyri 250.000 krónur

Gamli bjargingarbáturin hjá Eiðis Bjargingarfelag er settur til sølu

2021-10-27 16:44 Author image
Sverri Egholm
placeholder

Gamli Rescue Vón hjá Eiðis Bjargingarfelag er settur til sølu, sum var í nýtslu til fyrr í ár. Hann varð keyptur frá Redningstjenesten í Noreg í 2012 og hevur síðani verið partur av tilbúgvingini í Føroyum.

Báturin er bygdur í 1998, men Eiðis Bjargingarfelag sigur, at nógv útgerð er skift síðani báturin kom til Føroya.

Prísuppskotið fyri smáar 10 metra langa bátin úr aluminium er 250.000 krónur. Báturin siglir 30 sjómíl.

Báturin verður seldur um nøktandi boð fæst, verður sagt.

Nýggi Vón er bygdur í Írlandi til bjargingarfelagið á Eiði, og er sama slag sum Sverri í Vágum. Bátarnir eru 19 bruttotons, góðar 14 metrar langir og fýra metrar breiðir.

placeholder
placeholder