Sjómannadagar av álvara í gongd í kvøld

Tað er í dag, at Sjómannadagarnir í Klaksvík veruliga fara í gongd. Sjómannadagar hava ikki verið í Klaksvík seinastu tvey árini, men nú verður stóra tiltakið aftur. Hóast eitt sindur av regni í morgin, vera uttan iva nógv fólk.

Klokkan 16 í dag verður Skarðsprát sum Felagið Skarðsbygd skipar fyri. Hetta verður í Miðhøllini á Skúlatrøð.

Men klokkan 18 verður fiskikapping á Kósabrúnni. Børnini skulu hava tráðu við og vera í bjargingarvesti.

Tá Fiskikappingin er liðug klokkan 19, leggja skip og bátar at Kósakeiini og taka fólk umborð, og síðani verður kríggjast millum bátarnar á Vánni.

Brimil liggur mitt á krígsøkinum, og smærri og størri bátar sigla ímóti klokkuni/sólin, runt um Brimil og fram við sløkkiliðsbilunum á vesturbryggjuni.

Í morgin er stóri dagurin. Føroysku træseglskipini koma á Klaksvík klokkan 10 og stórt morgunmatarborð verður á bryggjuni frá klokkan hálvgun ellivu.

Gjøgnum dagin verða ymsar kappingar. Millum annað í egning, trolbøting, halda dregg, køkubaking og at vinda hespur upp í noða.

Væl umtókta Fish & Chips frá JFK verður at fáa frá klokkan 13.

Alt er ókeypis á Sjómannadegnum.

Øll skráin sæst á nordlysid.fo her