Skipini hjá Farcod hækkaðu avreiðingarvirði í fjør

Samtakið Farcod, sum eigur skipini Enniberg og Emerald, avreiddi í fjør fyri umleið 220 milliónir krónur.  

Enniberg er betra skipið hjá samtakinum annað árið á rað, og fiskaði fyri umelið 120 milliónir krónur í fjør.

Samlaða avreiðingarvirði hjá báðum skipunum er ein hækking á 24,4 milliónir krónum samanborði við 2024, har skipini avreiddu fyri tilsamans 195,6 milliónir krónur.

Enniberg avreiddi í fjør fyri umleið 120 milliónir krónur í mun til Emerald, sum avreiddi fyri góðar 100 milliónir krónur.

Emerald (Savnsmynd: Kiran Jóanesarson)

Hóast Enniberg fiskaði fyri knappar 120 milliónir í fjør, so er hetta ein minking á knappar 6 milliónir. Enniberg fiskaði nemliga fyri 125,7 milliónir í 2024.

Emerald hevur tó fiskað fyri knappar 30 milliónir meira í 2025 enn 2024.

Greinin er dagførd kl.12.30

Aftaná at greinin er skrivað hevur reiðaríið kunna okkum um neyvari tøl nú lastirnar hjá bæði Enniberg og Emerald, frá desember, eru avreiddar.