Størsta danska uppsjóvarskipið landar makrel í Fuglafirði

Danska uppsjóvarskipið Astrid kom í gjár á Fuglafjørð við makreli, sum skal landast til Pelagos.

Astrid hevur 1150 tons av makreli, sum skal landast til Pelagos, og síðan fer skipið aftur til fiskiskap. 

Nýggja flaggskipið í danskari fiskivinnu er tað størsta, sum er bygt á Karstensens skipasmiðjuni í Skagen, og er skipið, sum bleiv bygt næst eftir Christian í Grótinum, sum kom til Klaksvíkar í januar í ár.

Nýggja Astrid er knappar 92 metrar langt og 17 til 18 metar breitt. Nýggja Astrid lastar umleið 3400 tons við køling.