Tríggir bátar tørv á sleipi í gjár

Seinastu vikuna hevur MRCC fingið nógvar fráboðanir frá bátum, sum høvdu tørv á sleipi, og í gjár hendi tað heilar tríggjar ferðir.

Klokkan hálvgum tíggju varð boðað frá, at ein bátur var uppsteðgaður hálvtriðja fjórðing sunnanfyri Trælanípuna. Nósi hjá Brimli sleipaði bátin á Miðvág.

Um middagsleitið varð boðað frá, at ein bátur var uppsteðgðaur út fyri Glyvursnes. Rescue Lív sleipaði bátin inn á Álaker.

Nakað eftir klokkan hálvgum eitt var ein bátur uppsteðgaður út fyri grótkastið við skansabryggjuna. Eisini hesin báturin bleiv sleipaður inn á Álaker av Rescue Lív.

Síðan mánadagin hava níggju bátur biðið um hjálp, framgongur á heimasíðuni hjá Vørn.