Uppsjóvarskip farin á makrelveiðu

Vertíðin fyri makrelfiskiskapinum er byrjað, men fiskiskapurin er smáligur.

Í løtuni eru Finnur Fríði og Borgarin á makrelveiðu í altjóða sjógvi norðanfyri Føroyar, har fleiri grønlendsk, íslendsk og russisk skip eisini royna

Christian í Grótinum roynir í føroyskum sjógvi, og Jupiter loysti av Klaksvík í dag og hevur sett kós móti makrelfeltinum.

Hóast fleiri skip eru farin á makrelveiðu, so liggja nøkur enn við bryggju. 

Gøtunes liggur í dokkini á Skála, Høgaberg liggur í Fuglafirði, Hoyvík, Birita og Fagraberg liggja á Kollafirði meðan Arctic Voyager liggur á Hulki.

Norðborg og Tummas T liggja á Havnini, og Vestmenningur liggur í Vestmanna. 

Í Miðvági liggur uppsjóvarskipið Katrin Jóhanna.

Norðingur hevur verið á makrelveiðu í altjóða sjógvi, og hevur nú sett kós móti Føroyum at landa.