Uppsjóvarvirkið Pelagos setti eisini met

Tað er ikki bara á Varðan Pelagic á Tvøroyri, at framleiðslan hevur verið met høg í ár.

Á uppsjóvarvirkinum Pelagos í Fuglafirði hava tey tikið ímóti 114.000 tonsum av fiski í ár, og tað er tað mesta nakrantíð, sigur Jóhan Páll Joensen, stjóri, við Norðlýsið.

Gamla metið varð beint omanfyri 100.000 tons.

Jóhan Páll Joensen upplýsir fyri Norðlýsinum at útvið 80 fólk arbeiða á virkinum, og í ár hava tað veirð 202 landingar.

Varðin Pelagic fór herfyri upp um 100.000 tons, sum eisini er tað mesta nakrantíð, og nú virkið er farið í jólafrí endaði tað á umleið 110.000 tonsum.