Vágbingar taka ímóti nýggja Ango

Í morgin, leygardagin 8. oktober, kemur nýggi Ango á Vág, og í tí sambandi verður móttøka.

Hon verður á djúphavnini klokkan 13.

Tað er reiðaríið Sp/f Ango í Vági, sum hevur keypt uppsjóvarskipið úr Íslandi fyri gamla Ango, sum annars kom í flotan í 2021.

Nýggi Ango er bygdur í 1999. Skipið er 1775 bruttotons til støddar, og 68 metrar langt og 13 metrar breitt.

Umboð fyri Vágs býráð ber fram røðu, og møguleiki verður eisini hjá fólki at sleppa umborð.