Anita strikað í føroysku skrásetingini

Garnaskipið Anita er strikað í føroysku skipaskrásetingini. Tað boðar Sjóvinnustýrið frá í dag.

Sambært Kringvarpinum hevur trotabúgvið P/f Seta selt skipið til eitt spanskt reiðarí fyri góðar 17,4 milliónir krónur.

(Savnsmynd: Jens Kr. Vang)

Anita hevur ikki verið til fiskiskap síðani á vári 2014, tá ein maður lat lívið umborð, og síðani var skipið tikið fyri at hava ov nógv gørn.

Skipið liggur í løtuni í Spania.