Enniberg farin aftur til fiskiskap

Flakatrolarin Enniberg, úr Havn, fór í gjár aftur til fiskiskap.

Enniberg loysti í gjárkvøldið og fór til fiskiskap í norska partinum í Barentshavinum, har skipið skal á toskaveiðu.

Enniberg hevur seinastu tíðina ligið á Havnini, men skipið hevur eisini verið í dokk á Skála síðani tað kom aftur frá síðsta túrinum í fjør.

Við Enniberg eru 34 mans hendan túrin, og skipari er Karl Danielsen.