Fleiri landingar í Fuglafirði

Uppsjóvarskipið Jupiter hevur júst landað 1000 tons av sild, sum teir hava fiskað í íslendskum sjógvi.

Teir hava havt góðan fiskiskap hendan túrin, og høvdu tvey hál, har tað fyrra hevði 400 tons, og seinna hevði 600 tons í.

Sildin varð landað til Pelagos í Fuglafirði, og tá ið liðugt var at landa, fóru teir aftur á sildaveiðu í íslendskum sjógvi.

Uppsjóvarskipið Høgaberg kom í nátt á Fuglafjørð, teir hava 1100 tons av góðari sild við til lands, sum teir skulu landa til Pelagos í Fuglafirði.

Tá ið liðugt er at landa, fara teir aftur á sildaveiðu.

Høgaberg - Savnsmynd: Sverri Egholm