Fleiri trolarar landað í Hvalba

Teir tríggir Trolararnir Steintór, Hamranes og Breiðanes eru allir komnir inn at landa.

Steintór landaði í gjár, og hevði umleið 85.000 pund, har meginparturin av veiðuni var svartkalvi.

Steintór varð liðugur at landað í gjárkvøldið, og fór beint aftur til fiskiskap.

Í dag komu partrolararnir Hamranes og Breiðanes inn at landa.

Parið hevur verið á upsaveiðu, og trolararnir høvdu umleið 280.000 pund við til lands.

Tá ið Hamranes og Breiðanes hava landað fer parið aftur til fiskiskap undir Føroyum.