Høgaberg skal landa makrel í Fuglafirði

Uppsjóvarskipið Høgaberg skal landa makrel til Pelagos í Fuglafirði.

Høgaberg hevur verið á makrelveiðu í norskum sjógvi, og skal landa 770 tons av makreli til Pelagos. 

Høgaberg byrjar at landa seinnapartin tá ið liðugt er at landa Fagraberg.

Skipini hava nú fiskað føroysku makrelkvotuna fyri í ár, og nøkur av skipunum fara nú at bíða til sildafiskiskapurin tekur seg upp seinni í mánaðinum.