Íslendingar kroka í Havn

Nú stormur hevur leikað í í fleiri dagar, liggja fleiri útlendsk skip í føroyskum havnum og kroka.

Eitt teirra er íslendski pelagiski trolarin Víkingur frá Akranesi. Teir hava ligið á Havnini í fleiri dagar. Manningin hevur tað gott og hevur verið spákitúrar í býnum.

Teir ótolnast sjálvsagt at sleppa til fiskiskap, tí teir fóru av Vápnafjørðinum og komu beinleiðis á Havnina at kroka. Teir skulu fiska svartkjaft í føroyskum sjógvi.

(Mynd: Sjómansmissiónin)

Sjómanstrúboðarin vitjaði umborð í dag. Har hitti hann skiparan og tríggjar av manningini, sum telur níggju. Prátið gekk væl og bøn til Guds varð biðin fyri skipi og manning.

Teimum umborð á Vikingi og sjófólkinum annars verður ynskt Guds signing og varðveitslu.