Klevstrand kom á Fuglafjørð í morgun

Tað var beint áðrenn klokkan sjey í gjáramorgunin, 1. mars, at Klevstrand sendi neyðarkall.

Danska farmaskipið var vestan fyri Føroyar - 100 fjórðingar í ein útnyrðing úr Mykinesi, har veðrið var vánaligt - og tá ásannað var, at sjógvur var komin í maskinrúmið, sum elvdi til skammlop, sendi Klevstrand neyðarkall.

Kringvarpið skrivar, at trolarin Brestir var fyrstur hjá Klevstrand, og at Klevstrand og Brimil komu á Fuglafjørð tíðliga í morgun.

Brimil kom til  Klevstrand seinnapartin í gjár, og síðani fylgdust skipini. 

Seks mans eru við Klevstand, sum er góðar 70 metra langur coastari, bygdur í 1970, skrivar kvf.fo. Farmaskipið var ávegis til Íslands.