Innanlands

Minni av hýsu og eitt vet meira av toski á Føroyabanka

Jákup Sverri er júst afturkomin frá tí árligu heyst-yvirlitstrolingini á Føroyabanka – Nøgdirnar av hýsu eru minni í ár í mun til síðstu trý árini

2021-09-15 14:50 Author image
Tíðindaskriv
placeholder

Jákup Sverri er júst afturkomin frá tí árligu heyst-yvirlitstrolingini á Føroyabanka. Á túrinum vóru 53 kanningarstøðir tilsamans, harav 28 trolstøðir, har hvør vardi ein tíma. Veðrið var sera gott allan túrin og kanningarnar gingu væl.

Síðstu árini hevur verið sera nógv at fáa av hýsu á Føroyabanka. Soleiðis er eisini í ár, tó at nøgdirnar eru minni í mun til síðstu trý árini.

Nøgdin av toski er eitt vet hægri enn í fjør og stovnurin hevur verið í lítlum vøkstri síðstu trý árini. Hetta er tó væl minni enn frá 1996 til 2003, sum er tað síðsta tíðarskeiðið, at toskastovnurin á Føroyabanka var væl fyri.

Túrfrágreiðingin kann lesast her.

Havstovan

placeholder
placeholder