Innanlands

Nakað av innflutninginum verður til útflutning

Hav Sund lá í síðstu viku við bryggju í Hvalvík og lastaði gamalt jarn sum skuldi til Noreg

(Mynd: Torleif Joensen / Sjómansmissiónin)

(Mynd: Torleif Joensen / Sjómansmissiónin)

2023-05-26 08:09 Author image
Føroyska Sjómansmissiónin
placeholder

Í síðstu viku lá farmaskipið, Hav Sund, við bryggju í Hvalvík. Stórir lastbilar koyrdu oman á bryggjuna við fullari last og koyra tómir niðan aftur av bryggjuni. Ein stór gravmaskina grabbar tilfarið úr lastbilunum og hivar tað umborð á Hav Sund. Stóra lastin fyllist spakuliga av ymiskum, sum Brennistøðirnar ikki fáa brent, men flyta av landinum sum gamalt “jarn”. Jú, nakað av innflutninginum verður til útflutning.

- Vit komu úr Norra og hava lagt skerv og sand upp á Tvøroyri og á Sundi. Nú liggja vit í Hvalvík og lasta gamalt jarn til Norra, sigur skiparin á Hav Sund, Jørgen Andreassen.

- Eg veit ikki rættiliga, hvat norðmenn gera við hetta blandaða tilfarið. Eg meini, teir mala tað í stórari hvørn og hava so magnetir, sum skilur jarnið frá restini, sigur hann.

- Lastin er 6000 rúmmetrar, so tað skal nógv jarn at fylla hana. Tilfarið vigar ikki nógv, so, um lastin gerst full, so vigar tað kanska ikki meiri enn 2-3000 tons; og skipið lastar 4700 tons; sigur Jørgen Andreassen.

Sjómanstrúboðarin vitjaði umborð og heilsaði uppá manningina.

Tíð var eisini til drekka, Guds orð og bøn.

Teimum og sjófólkinum annars verður ynskt Guds signing og varðveitslu.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder