Polarhav og Stjørnan landa í Klaksvík

Partrolararnir Polarhav og Stjørnan landa í dag 210 tons av gulllaksi.

Parið hevur verið á gulllaksaveiðu norðanfyri Føroyar, og fiskiskapurin hevur verið góður.

Veiðan verður landað í Klaksvík, og síðani koyrd í bilum til Tavuna í Leirvík, sum virkar gulllaksin hjá flestu føroysku skipunum.

Tá ið Polarhav og Stjørnan hevur landað, verður farið aftur til fiskiskap.