Stórur dagur í Vestmanna í morgin

Vestmenningur kemur til Vestmanna í morgin leygardagin, og í tí sambandi verður skipað fyri móttøku á kaiini klokkan 15.

Vestmanna kommuna sigur, at øll eru vælkomin.

Eisini fegnast kommunan um, at eitt nýtt skip nú kemur til bygdina og ynskir eigarunum hjartaliga til lukku við skipinum og blíðan byr framyvir.

Tað er Vestmanna Fiskavirki, sum hevur keypt uppisjóvarskipið Christian. Skipið hevur fingið navnið Vestmenningur og fer til fiskiskap í vár.

Les eisini: Christian fingið navnið Vestmenningur