Tvey uppsjóvarskip landa svartkjaft í Noregi

Gøtunes og Christian í Grótinum eru bæði komin til Noregs, har skipini skulu landa svartkjaft.

Gøtunes skal landa 3.500 tons av svartkjafti í Karmsund, og Christian í Grótinum skal landa 3.450 tons av svartkjafti í Måloy.

Bæði skipini hava fiskað svartkjaft í føroyskum sjógvi, og fiskiskapurin hevur verið góður.

Tá ið skipini hava landað, fara tey aftur til fiskiskap eftir svartkjafti í føroyskum sjógvi.

Christian í Grótinum landar 3.450 tons í Måloy (Mynd: Ivar Strømmen)