Ango keypir uppsjóvarskip úr Danmark

Felagið Ango í Vági sum hevur fingið játtað kvotur úr Fiskimálaráðnum hevur keypt uppsjóvarskipið Junior.

Tað váttar Heri Godtfred, ein av stigtakarunum, fyri jn.fo í dag.

Junior sum áður hevur verið í føroyska flotanum við navninum Nýborg, liggur í Hitshals í løtuni, og fer um eina viku ella so at seta kós ímóti Føroyum.

Hitt felagið, sum eisini hevur fingið kvotur úr Fiskimálaráðnum, Sp/f Gráastein, arbeiðir sum skilst við at keypa norska uppsjóvarskipið Havfisk.