Innanlands

Alpha Pilot verður væntandi settur í sigling um 14 dagar

Báturin skal nú klárgerast og málast áðrenn hann verður settur í fasta sigling

Mynd: SSL

Mynd: SSL

2019-03-12 10:26 Author image
Kiran Jóanesarson

Alpha Pilot skal setast í fasta sigling á Hestleiðini, men fyrst skal skipið klárgerast, og ganga tað helst eini 14 dagar áðrenn báturin byrjar sína fasta sigling.

- Alpha Pilot skal nú klárgerast og málast, og skal báturin hava nýtt navn, upplýsir Heðin Mortensen, samferðslumálaráðharri.

Hann leggur afturat, at talan verður um eitt fuglanavn eins og hini skipini hava, men júst hvat navn verður, er ikki avgjørt enn.

- Báturin verður eftir ætlan klárur at seta í sigling um eini 14 dagar, men fyrst skal báturin klárgerast, og tað verður allarhelst gjørt í Klaksvík, leggur Heðin Mortensen aftrat til endans.